నిశ్శబ్దాన్ని ఛేదిద్దాం

ఎయిడ్స్....కేవలం మూడు అక్షరాలు ...పదమే చిన్నది... ప్రతాపం కాదు ఎందుకంటే అదో ప్రాణాంతక వ్యాధి..

నేడు దేశాన్ని అందునా మన రాష్ట్రాన్ని వణికిస్తున్న ఒక పెద్ద సమస్య... గణాంకాలని స్థూలంగా పరిశీలిస్తే ఈ మహమ్మారి ప్రభావిత రాష్ట్రాల జాబితాలో మనది ఐదవ స్థానం...కాస్తా లోతుగా పరిశీలిస్తే ఇది 90% లైంగికంగా, 4% తల్లి నుంచి బిడ్డలకు వ్యాప్తి చెందుతుండగా...కలుషిత రక్తమార్పిడి, సిరంజులు వంటివి ఇతర కారకాలు.

పైన పేర్కొన్న వ్యాప్తి కారకాలను చూస్తే, రెందు విషయాలు సుస్పష్టం:

1. ఇది లైంగికంగానె కాకుంద ఇతరత్రా కారణాలు వలన కూడా వ్యాపిస్తుంది..

2. మరి కాస్తా నిశితంగా చూస్తే ఇది కొంతమేర ఒక విషవలయంగా కనిపించకమానదు.!!! అంటే ఎయిడ్స్ బారిన పడ్డ వారినుంచి వారి జీవిత భాగస్వామికి ఆపైన వారికి పుట్టబోయే పిల్లలకి సంక్రమించే అవకాశాలు చాలా ఎక్కువ..

అంతే ఈ వలయాన్ని చేధించవలసిన అవసరం ఎంతైన ఉన్నది అన్నది చాలా స్పష్టం...ఆ చేధనలో మన తరానిదే కీలక భూమిక అన్నది కాదనలేని వాస్తవం......వివాహానికి ముందు, కాబోయే జీవిత భాగస్వాములు ఇద్దరు హెచ్.ఐ.వి. పరీక్షలు చెయించుకొవడం ద్వారా తమ ప్రాణాలు నిలుపుకొనేవారు లేదా ఇంకొకరికి ప్రాణదానం చేసినవారు అవ్వవచ్చు .....మన సామజిక వ్యవస్తలో ఇది కాస్తా కష్టంతో కూడుకున్న పని అందుకే రండి నిశ్శబ్ధాన్ని ఛేదిద్దాం...మన జీవితాలలో విజేతలుగ నిలుద్దాం...ఎందుకంటే ఎయిడ్స్ కేవలం పులిరాజాలకు మాత్రమే రాదు

దేశమంటే మట్టికాదోయ్..దేశమంటే ఆరొగ్యకరమయిన మనుషులోయ్

రోజు లాగానె దినపత్రిక తిరగెస్తుంటే ఈ వారంలో ఒకే వ్యక్తి గురించి వచ్చిన రెండు వేరువేరు విషయాలు నన్ను కాస్త సంభ్రమాశ్చర్యాలకు ఆనందానికి గురిచేసాయి ......

కాస్తా (క్లుప్తంగా) ఆ వివరాలలొకి వెళ్తే .... ఆ వ్యక్తి వేరెవరొ కాదు ....రాష్ట్రానికి వచ్చిన మొదటిరోజు నుంచి తనదైన శైలిలొ వ్యవహరిస్తూ అందరికి ఆదర్శంగా నిలుస్తున్న మన రాష్ట్ర ప్రధమ పౌరుడు శ్రీ నరసింహన్ గారు....

రాష్ట్ర ప్రధమ పౌరుడు ఆ రాష్ట్రంలోని అన్ని విశ్వవిద్యాలయాలకు కులపతి (చాన్సలర్).....ఈ వారంలొ జరిగిన అన్ని విశ్వవిద్యాలయాల ఉపకులపతుల సమావేశంలో తనదైన వ్యవహారశైలితో అధికారగణంకి దిశానిర్దేశం చెసి, వారి గుండెలలొ రైల్లు పరిగెత్తించి రాజ్ భవన్ లోపలేకాని బయటేకాని తాను రబ్బర్ స్టాంప్ ని కాదు అని నిరూపించారు..

కంటినొప్పి, పంటినొప్పికి సైతం ఐతే ఇక్కడి కార్పొరేట్ హాస్పిటల్ కి లేకపొతే విదేశాలకి పరిగెత్తే ప్రముఖులకి భిన్నంగా మన గవర్నర్ గాంధీ ఆసుపత్రిలొ ఒక చిన్నపాటి శస్త్ర్రచికిత్స చేయించుకోవడం నిజంగా అబ్బురపరిచిన విషయం......కోట్లాది రూపాయల ప్రజాధనాన్ని తమ అవసరాలకు సొంత డబ్బులాగ ఖర్చుపెట్టే రాజకీయనాయకులకు ఇది కాస్తా కనువిప్పు కలిగిస్తుంది అని ఆశిద్దాం...

ఒక విద్యావేత్త, సమర్ధుడు, నిజాయితిపరుడైన వ్యక్తి ఒక రాజ్యాంగపరమైన ఉన్నతస్థానం అలంకరిస్తే, ఆ పదవికి ఎంత వన్నె వస్తుందొ అన్నది తెలుసుకోవడానికి ఇది కేవలం మచ్చుతునక .....అలాంటి వారందరికి నా పాదభివందనాలు. బహుశా మన పాలకులు ఇట్లాంటి విషయాలలొనైనా కాస్తా రాజకీయాలకు అతీతంగా నిర్ణయాలు తీసుకుంటుంటే మనకు చాలా మేలు చెసిన వారు అవుతారు ....

ఒక చిన్నమాట

నిత్యం మన చుట్టూ జరిగే చాలా విషయాలు మనల్ని చాలా ఆలొచింప చేస్తాయి ....అది మంచైనా సరే లేక చెడైనా సరే .... చిన్నదైనా సరే లేక పెద్దదైనా సరే ....

మన చుట్టూ జరుగుతున్న ఈ సంఘటనల గురించి నా అభిప్రాయాలును/ఆలోచనలను/నాలొని సంఘర్షణని నా తోటి వారితో పంచుకొవడనికి ఈ బ్లాగ్ ని ఒక మాధ్యమంగా వాడుకోదలిచాను.

ఇవి కేవలం నా అభిప్రాయాలు మాత్రమే....మీ సలహాలు సదా స్వీకరించబడును. మీ అభిప్రాయాలు నిష్కర్షగా చెప్పుటకు వెనకడుగు వేయవద్దని మనవి.